کرناٹک اور تریپورہ کے لیے
436
کروڑ روپے کا گرانٹ جاری
نئی دہلی (حقیقت ٹائمز)
مرکزی حکومت نے مالی سال 25-2024 کے لئے تریپورہ اور کرناٹک میں مقامی نظم و نسق کو مستحکم کرنے اور گاؤں میں انقلاب انگیز تبدیلی کو تحریک دینے کے لیے دیہی مقامی اداروں کے لئے پندرہویں مالیاتی کمیشن(ایکس وی ایف سی) گرانٹ کی دوسری قسط جاری کی ہے۔ حکومت نے تریپورہ میں تمام بلاک پنچایتوں، ضلع پنچایتوں اور روایتی مقامی اداروں کے ساتھ ساتھ 589 اہل گرام پنچایتوں کو فائدہ پہنچانے کےلئے31.1259 کروڑ روپےغیر منسلک گرانٹ (دوسری قسط) جاری کی ہے۔جبکہ کرناٹک کےلئے ،ریاست بھر میں دیہی بلدیاتی اداروں کی مددکے لیے 5375 اہل گرام پنچایتوں کے لیے 404.9678 کروڑ روپے کی غیر منسلک گرانٹ (دوسری قسط) جاری کی گئی ہے۔یہ گرانٹ پنچایت راج اداروں (پی آر آئی) کوآئین کے گیارہویں شیڈول میں بیان کردہ 29 موضوعات کے تحت مقام سے متعلق مخصوص ضروریات کو پورا کرنے کا اختیار دیتی ہیں۔ ان فنڈز کو تنخواہوں اور محکمےکے اخراجات کو چھوڑ کر ترقیاتی اقدامات کے لیے استعمال کیا جاتا ہے۔ ان گرانٹس کو دو زمروں میں تقسیم کیا گیا ہے، جس کے تحت غیر منسلک گرانٹ کا استعمال کمیونٹی کی مختلف مخصوص ضروریات کے لیے کیا جا سکتا ہے اور ان کا مقصد مقامی بنیادی ڈھانچے اور ترقیاتی منصوبوں کو بڑھانا ہے۔جبکہ منسلک گرانٹس خاص طور پر صفائی ستھرائی کے اہم شعبوں (بشمول کھلے میں رفع حاجت سے پاک صورتحال کی دیکھ بھال، فضلہ کے بندوبست اور فضلہ کے کیچڑ کے بندوبست) اور پینے کے پانی (بشمول بارش کے پانی کی ذخیرہ اندوزی اور پانی کی ری سائیکلنگ) کے لیے مختص کیا گیا ہے۔ان فنڈز کا اجراء وسائل کی تقسیم اور مقامی حکومتوں کو بااختیار بنانے کی سمت میں ایک اہم قدم ہے۔پنچایتی راج کی وزارت اور جل شکتی کی وزارت کے زیر انتظام ، XV فنانس کمیشن گرانٹس کو زمینی سطح پر ترقی کو آگے بڑھانے ، مقامی نظم و نسق کو بہتر بنانے اور دیہی برادریوں کی منفرد ضروریات کے مطابق اقدامات میں تعاون کرنے کے مقصد سے ڈیزائن کیا گیا ہے۔